Cat's World

呢幾日都係掛住狂打PSP冇咩周圍去人地日誌睇過
差唔多日日都同老虎去金培食晏，我地仲要帶埋部機落去一齊打MHP2
琴晚終於打到村長任去4星，而集會任就去到HR3喇
不過我仲要打埋4星上5星個緊急任出黎，之後就要狂打轟龍做套轟龍裝出黎
到時就勁正喇，今日應該又要同老虎去食晏多架喇。

最近果件事令到我發覺左一樣野，就係點解我要去就人呢？我既母語係廣東話黎架嘛
為咩事要就人地而去改變自己咁多年黎既習慣呀？所以由今日開始
我決定左以後都會用返廣東話黎打日誌既內容喇，你地睇得明就睇啦
睇唔明我都冇辦法，因為我要做返我自己就一定要咁做
我本身就係好小器、好易發脾氣、成日扭計、要人哄要人錫既人黎
呢個日誌係我創造出黎既，我鍾意點整就點整，打咩字就打咩字，做咩我要去遷就人呀?
我覺得我冇做錯囉，我自己鍾意就得啦，你唔鍾意可以唔黎架喎，我冇咩所謂。

仲有果D睇唔過眼既人呀，唔該以後都唔好黎睇我日誌喇，費事一陣又話不太看好啦
事關我又冇拎住枝槍迫你黎睇既，到睇完之後又話呢樣又話果樣
我最憎就係呢D唔識野但又要話人地唔好既人，你唔識得欣賞既話我冇問題架啵
但係就算你識欣賞我都唔會多謝你囉，因為你對我任何既批評我係絕對唔會再去理
因為唔值得我去理，少你一個唔少，多你一個唔多，我都懶得理你感受
唔好又話我係到挑釁你喎，因為我都只係講事實姐，總之今日我就要做返真正既我
我唔去惹你，你都唔好走黎惹我囉，我先小人後君子，唔係一陣比我用粗口鬧你就唔好啦