Cat's World

琴日出街之後返到屋企掛住打機都冇上黎打日記，所以今日先補打返
琴日同老虎食完晏就搭1：45pm車去旺角做d野，做完後當然順便行下街街
係出去既途中發覺件衫穿左個洞搞到要去買衫換
好彩唔係好明顯姐，唔係就內酸死人喇
去左花園街行見到有tee都ok可以接受，仲要賣得好平喎
20蚊一件咋買黎做睡衣都抵啦，就買左3件米奇老鼠
可惜冇我最鍾意既小熊維尼，如果唔係我一定會買。



買完之後就快快脆脆走去換衫啦
之後就去左好景果邊既大快活嘆返個下午茶（蜜汁雞翼2隻 + 杯汽水）
差唔多食完男人就打電話黎話佢收工喇，之後佢就落黎旺角搵我
不過佢落到黎同我講佢唔知做咩對腳好鬼軟，唔係好想行街
好啦見佢咁就同佢搭車返東涌先食野，我地搭E21A返去
我一上車就掛住打PSP，點知打打下係到釣魚，好彩我打緊採集任唔係打大佬姐

去到東涌就同男人去KFC食野，因為我想試下果個咩日式咖哩雞扒飯
不過我覺得唔係好好食囉，食完就同佢去左Taste入貨，仲要幫媽媽d買女人野
買完就搭9： 10pm返屋企，原來搭車打機我係會頭暈囉...shit！
又係打打下就要走去訓陣，訓到佢叫我落車，返到屋企沖完澡就係打機
打到12點幾1點就死去訓嚕！琴日既行程就係咁多喇。