Cat's World

這篇日記全是廣東語，要繼續進去看全文的請三思


8.8.2010早上6點鐘我就要起身囉，因為要去長洲睇紫陽比賽打打氣
7號晚2點幾先訓第2日晨吉就要爬起身，估吾到鬧鐘響我會知醒起身
整好晒執好晒野6:45落樓去巴士站總站會合阿龍、阿呆，之後打的落梅窩

落到梅窩即刻走入麥記食個早餐先，阿肥、阿joe仲早過我地到左麥記
食完就上[卜卜仔]去長洲，買緊野食果時大怪、阿青同佢條女都黎埋
夠鐘開船嚕，個天陰陰地又落緊雨粉，隻船係甘搖仲要大浪都pk喎，想點呀?.?
好彩我冇暈船浪姐，吾係就晒左個麥記早餐，哇哈哈哈
大約8:30就到左長洲，我地係西灣落船之後行返過碼頭果邊

行到去會場已經見到阿克、阿耀佢地係到食緊早餐，仲有長人、阿權
開始派比賽衫，我地女仔全部都係 S size 太 fit 啦，佢地果d就...呵呵
這個當然啦，佢地話晒都係龍舟健兒喎，吾通著細碼咩，會爆甲架嘛
佢地第1盤扒9點，不過我睇吾到呀，因為要同大怪、新仔去惠康買野飲
仲要幫大哥買短褲= =" 吼吼吼.... 來回要行成半個鐘架，媽呀！

返到去同阿joe、阿欣傾計，女人吹水一傾到美容呀瘦身呀就有排講
仲有講男人都有好多野講架，阿joe就好啦一早10點幾閃人返大澳
我勁眼訓都想走呀，諗諗下我去黎係咪有d自作孽，我真係命苦啦
講真我同阿欣邊走得甩丫，之後佢地班大帝就開始十三張啦，又係賭賭賭

天氣報告呃人架，11點幾就出太陽，想曬死我咩，嗚嗚嗚
11:24佢地扒第2盤成績吾太理想又跌落下一組，即係又有排等啦

仁仔、阿青佢地話去買飯，阿欣就話一起去行下，就係甘......我..我...我
我又要行多次去碼頭，不過今次短左，因為去百佳買野飲吾係惠康囉= ="
買完之後一邊咬住條雪條一邊又要行返去會場到，回來又係成半粒鐘人都癲
未返到去我d汗已經流到9彩，琴晚仲行雷閃電落大雨，點解而家會甘架
哩鑊真係『同陽光玩遊戲』我感覺到我d手手腳腳開始紅啦，仲有d滾滾地tim
我都已經好醒帶cap帽同黑超架啦，但係點解我feel到塊面有少少慶慶地
唉！我知出左事啦，不過都冇得避架喇，就豁出去吧啦，太陽伯伯真係愛我囉

食完飯我好想訓覺，但熱到pk點訓，唯有睇佢地玩十三張囉
但係另一邊有睇頭d喎，孖爺、大怪佢地玩『抽烏龜』輸左要罰笑死我地
孖爺連輸3鋪比人罰扭耳仔+兔仔跳，仲要比我地影相同拍埋短片放上網xDDD
之後阿呆頂佢個位，點知又係連輸3鋪罰飲啤酒，真係笑到個個都話頂吾順
最後阿青出手贏左吾洗再輸，其實吾係個位問題而係佢地個人有問題，哈哈
等呀等呀....等到3點幾終於扒第3盤啦，今次扒得好好拎金碟賽第三名，吾錯丫

我終於等到可以走啦，4點幾又要行去碼頭搭船過中環，又係果條長到嘔既路.....
他奶奶 \./ 我係1日之內來回行左哩條路2次，好彩今次吾洗行返去會場>"<
我地搭高速船應該好快到，不過有冷氣嘆我就好快訓著左，訓到落船真係爽YY
原來佢地包左旅遊巴去青衣，真係好吾洗轉車轉到頭暈，6:30左右就到青衣嚕

上到酒樓佢地第一件事就係搵返個靚位賭啤先，成班麻甩仔都係甘Q爛賭= ="
我同阿欣開始坐到發呆，大哥仲勁賭完啤吾夠仲要去打麻雀，真係冇賭不歡shit.....
等到7:30終於有得食，我好肚餓架，亦都係玩得晒癲既時候，一邊食一邊玩一邊飲
等上菜時就緊加玩到癲晒啦，佢地係到玩『口不對心我最勁，我勁d』真係笑到肚痛
阿楝手口不協調笑死我地，佢地都飲到7788就開始搞事啦，佢地d樣已經出賣左佢地xDDD
因為阿青、阿楊都係8月生日所以一齊搞埋，嘩嘩....蛋糕天飛囉，我緊係閃到最遠啦
佢地連伊麵炒飯都吾放過拎埋黎掟，成班已經失晒控啦，個個玩到癲鬼晒，哇哈哈

玩到10:30我同大哥、阿龍、阿呆一齊走，先搭巴士返入東涌再打的落去貝澳
因為阿龍要去貝澳拎返架車，有私家車坐當然好好多，12點未夠就返到屋企
我好掛住張床同埋我d維尼仔仔，沖完涼我竟然連頭都冇吹就跳上床訓覺覺豬
因為我.....我實在係頂吾順非常之眼訓啦，仲好累好累囉，一定要去玩周公Oline
白天同完陽光玩遊戲，夜晚就當然要同周公仔玩遊戲啦，訓覺係一種享受黎架
總結黎講整個活動都好好玩，雖然好熱不過都好充實，最重要係玩得開心
比賽輸贏對佢地黎講吾係最d咩野，最重要係成班兄弟一齊開開心心搞好個龍船會

最後到了最慘的事啦，我.我..我...變左燒豬哇，慘無人道，嗚嗚>"<
我已經好醒架喇搵野遮，但係d手手腳腳點遮都係曬到，我地有傘都冇用既
搞到我手同腳都變左2截色，好地地一隻白白豬，而家變左朱古力豬，吾制吾制呀