Cat's World

今天一早便要起身了，因為要陪媽媽出去找律師
事隔4個月昨晚我又重玩魔力，感覺都是一般沒有特別
只是去了半個小時的風穴，不過又多了一個魔力細佬 =.="
他帶我去了解萬聖節個新任，要打個南瓜人 ( 40lv )
他打落我弓手都扣 2xx-3xx，打左幾場細佬就打到南瓜頭頭飾了
他就送左給我玩，個南瓜頭好得意架
之後我們打了很多很多場都沒有出南瓜頭給我們
給我的都是一些廢物，真是氣屎我拉。
我跟媽媽搭7:45am車出去，之後搭地鐵宜出中環，到左之後打比2家姐
她才在北角站，等到她後便一起上律師樓詢問各樣問題
傾了個多小時後我們才離開，之後我們搭地鐵落旺角飲茶
2家姐還打電話叫三嬸一起來飲茶，由於2家姐說很肚餓的關係
我們便不等三嬸先點一些食物吃，但是當我們把桌上的點心吃光後三嬸還是未到
我便趁時間去了交電話費，到我返上去酒樓時3嬸已經到了
我們飲完茶後便去行花園街，嘿嘿．．我今天竟然揹著晴晴行了1個小時街
勁呀．．行到3點左右3嬸便要離開去返工了，而我們就繼續行街街拉
行到差不多走之前，2家姐說要去許留山吃東西，吃完後我跟媽媽就搭車回來了
不過我們還未回到家的說，因為媽媽說去行百佳
之後再去萬寧買染髮劑，買完之後終於可以回家拉。

在10月15日凌晨時分我家的腦爺不能上網，是因為上網限期已經終止了
所以不能上網整理我的blog，還有我的網上寵物Meromero Park
這幾天的日子都是呆在家打單機遊戲，不過我男人見我每日都在發呆
便叫我登記上網了，終於在今天10月20日可以上網啦，真的很開心唷，男人我愛你！
不知道我沒有上網打日記，我的網友有沒有想我呢？
哈哈．．．但是我就很想你們唷！現在又可以每天都在 Hebie.com 和你們見面了。

今天終於完成無名的搬家了，不過我改版面CSS就同無名差唔多
至於圖片我仲未搬來pixnet，因為無名既圖片是不能外連
所以未知可不可以同blog一樣搬到過來，anyway 來到新家覺得好開心。
因為搬了過來pixnet之後，我可以套用到好耐既小水滴語法
之前因無名資料夾放語法有限，所以不能放一個按鈕顯示多隻水滴的code
但剛剛我裝了這個code後是可行的，亦不會和我的css有衝撞
早知可以這樣我就一早搬家拉，哈哈．．．
我還有一個教學既blog在無名，不知搬不搬過來好呢？如果搬的話都很麻煩唷
因為這個blog比較多圖片在無名相簿裡，我怕搬了過來完是X圖 =.="
這個令我很傷腦筋，但是... 如果可以搬過來一齊合併的話
那我就可以把所有的資料都歸入pixnet了，都是等一陣才算吧。

今天的節目就是... 和我男人看  寶貝計劃 (Rob B Hood)今天2點鐘就起身喇，
起身沒久我男人就打電話給我，來想他打來是叫我起身的
點知我已經早過他打來叫我起身，哈哈... 之後梳洗完就搭2:45車出去
但係今日唔知做咩班車竟然爆滿上不到車呀，唯有等3點果班啦
出到東涌去麥記嘆左個麥樂雞餐，吃完就出葵芳行街街等男人收工。
6點左右他就到達了，我地行左去卓悅買染髮劑，之後就去百老滙買飛睇戲喇
未入場前我地去左葵芳廣場既 "一泡而紅"食泡飯，這間的泡飯好好味架
而價錢亦都好平宜30元有找仲食到好飽，食飽飽就行多一陣先去睇戲喇。
呢套戲都好好睇，戲入面個bb好得意架又好靚仔，嘿嘿... 睇完睇都已經10點喇
所以我地就搭車返屋企了，打完日記就去洗白白之後就覺覺豬，因為我今天都幾累唷。
寶貝計劃 (Rob B Hood)
導 演 Dir：陳 木 勝 (Benny Chan)
聲 演 Voice：成 龍 (Jacky Chan)
古 天 樂 (Louis Koo)
片 長 Duration：100 分 鐘 min
片 種 Type： 動 作 (Action)
級 數 Categories：2a
故事：
人字拖(成龍飾)身手不凡，可惜錯用天賦，當上竊匪。他沒有人生目標
終日沉迷賭博，與家人疏離。想不到一個BB成為他人生的一大轉戾點
BB是城中女首富(余安安飾)的唯一孫兒，也是人字拖、包租公(許冠文飾)
和八達通(古天樂飾)所組成的爆竊三人組偷回來的搖錢樹
本來偷來祇為轉手交給黑幫頭子。豈料，接洽人因小事被捕入獄
BB因而暫時留在人字拖家中，自此人字拖和八達通的生活便給弄得天翻地覆。
電影資料及圖片轉自：　又一城AMC Theatres(filmplay) 

今天是媽媽的放假天，我本來打算訓到9點~10點才起身的
但是男人今天早上忘了帶銀包出門口，所以他就不停按門鈴叫我開門
因為媽媽已經出了街買早餐，嗚嗚嗚...就是這樣被弄醒後沒法再入睡了。
起身後上無名打日記，但今天無名因整理問題要12點後才可以使用
之後上網看看智勳的消息便整理出街的東西了，還叫媽媽打電話給三嬸問亞B電話
因為我想剪頭髮呢，打完比亞B通知他我會去他度剪頭髮後
我和媽媽就搭10：15am班車出去了。
呵呵...亞B足足玩左我個豬頭個幾鐘，他說想試下前在上海學的新技巧
我開始發覺上當了，我今天做了他的試驗品呢，真是有點擔心剪完出來會是什麼樣子?
  終於剪好了，咦咦... 剪完出來的效果都算可以接受
不過好不習慣沒有這麼多的頭髮唷，可能是剪薄了的關係吧
但是一弄後面的頭髮時，總是覺得怪怪的，我想...
又要花一段時間去適應這個新髮型唷，現在看鏡時覺得自己好似一個薯仔
看上來也很好笑的，哈哈... 
剪完頭髮後便和媽媽去了麥當奴食午餐，之後就再搭車出旺角行街街了
出到去都是點幾鐘左右，因為2家姐個B囡還未訓醒，所以我和媽媽就繼續行街街等她
當我們行到去旺角道附近時，2家姐就打來話搭車出來找我們了
等了一陣她和晴晴就到，我地就出發行花園街喇，佢地當然就是看B囡的衣服啦
而我呢? 就當然看我喜歡的東西吧，今天收獲不算很多，只是買了兩個小袋子、頭飾
行到差不多5點我和媽媽就搭車回去，返到東涌媽媽說要買電熱煱
體積都算很大個的說，買完之後我們還去了百佳買大家姐買麥片
買完要買的東西後我們就真是要回家了。
回到家沒有多久，男人便打來說他也剪完頭髮了
之後等他回來後才一起去黃華吃晚餐，今天的行程就是這樣...報告完畢。

今朝一早7點就要起身喇，因為約了楊大哥去飲早茶喔！
其實是他要拿部 psp 遊戲機給我才是真正解說...哈哈～
10點鐘就出到大圍火車站喇，我仲比佢早到左5分鐘左右啦
之後同佢去左間唔記得叫咩名既茶餐廳食野
我食左個雞扒配午餐肉早餐+杯凍奶茶，間野d早餐都唔好食既...想嘔
嘩嘩!!間餐廳d冷氣好似唔駛錢咁，我已經醒目架啦
見琴晚天氣好似涼涼地，所以今日出街果時特登帶左件風褸係個袋度
我著住件風褸都覺得好鬼凍，頂佢丫= =" 我地食到10:30就頂唔順叫走喇
之後行左一陣就送佢去搭馬鐵返工，我就自己1個人去左沙田市中心行街
唉...原來我而家對行街呢樣野好似冇之前咁大癮喇
今日行左個零2個鐘我就唔想行，可能得自己1個行瓜
之後就死死地氣走左落巴士站搭車返屋企喇
返到東涌去左麥記食左個麥樂雞餐就返歸，我仲要食唔晒個餐...陰公。
  就是這部psp了
返到屋企諗住上網打日記，唉．．都唔知今日咩日子
個死人網上行都唔知搞咩上唔到網，我咪打電話去問咩事囉
拎住個電話講左成半個鐘都唔知佢搞咩，最後都係我自己盲摸摸咁整返掂
整完上網既野又到個肚仔痛，嘩!!咩料呀今日
咁多野發生係我身上架...shit \./ 今日男人仲要學車唔返來食飯
嗚嗚嗚...冇得向佢宣洩我既不幸tim，一陣都係攬住d仔仔去訓下算喇
吼吼~~ 我今日都算黑仔囉。

今天一大清早便起了身，之後就準備去見工的資料
到了8:45am便出門口了，今天一共要去4 個地方面試，對於我來說都算多了…
第1 份是在安蔭附近的工業大廈，第 2份是荃灣楊屋道，第3 份又是安蔭附近
到最後1份就是葵芳喇，可能太耐有見工喇，覺得自己有點怯場，不過可以改善的
在我去葵芳見最後份工時，我男人打來話他已經收工了，看看錶這時才4點
之後他說搭車來葵芳接我，我完工後打比他問他在那裡，他說就快下車
我地就約左係巴士站等，之後就開始補祝我生日了。
我地先去百老滙有什麼睇，最後選了"死亡筆記"，未夠鐘睇戲我地就去行街街
男人又買左1個細size既亞pooh索袋給我了，呵呵…行到大約6點左右
我地就去左新都會既pizza hurt食晚飯了，本來想要套餐食
但記返情人節果日食套餐時，我地都食唔晒
所以今晚叫左個 千島海鮮芝心批、葡汁雞皇意粉、2杯飲品便算了，可能是太開心了
我卻忘了幫pizza影相放在blog裡，哈哈…
食完晚餐後便去睇戲了，嘩！初初睇我覺得好悶，還想睡覺呢
到左中場 "L" 既現身，我才醒醒睇埋落去，何解會有悶場架omg！
不知到了11月出下集時還睇不?? 身邊的朋友都說 死亡筆記 很好睇
但是我和男人都覺得一般，現在期待著9月7日上映的 生還者
給這套戲給我感覺有點像 大屠殺，不知到時是誰陪我睇呢??
睇完戲行多一陣街就搭車返屋企喇
今天的行程可以說是很緊密，由早上到夜晚都好充實唷！

登登登登…我要同自己講聲「生日快樂」喔哈哈！
下面張狗狗相是一個網友送給我的，好可愛唷，狗狗叫"亞B"
見到亞B令我想返起我以前養的”蛋撻”，佢地真係好似樣的

哈哈…至於我今年的生日願望呢…就是身體健康！
快些找到一份我喜歡的工作，和我的男人可以白頭偕老啦，剛剛好3個願呢！

早上9:30便起了身，之後打了一陣電腦上網看東西
之後就搭2:15pm車出旺角，辦完我要做的事後便行街街。
今天去了麥記吃午餐，吃了一個雙層芝士孖堡+杯可樂都只是14蚊
真是很便宜唷！吃飽飽之後就到卓悅晃晃，行了一陣就有目標喇
就是染髮劇和一些化妝品，女生總是愛扮靚的，嘿嘿～～
行到5點半就開始搭地鐵返去，返到東涌又去行百佳
為何女生總是愛上"血拼"呢？這點我也不知道唷！終於便買了一大袋的零食離開 ... 
至於有什麼零食呢？呵呵．．．現在就講給你們知吧
有我最愛食的辛辣香菇麵、牛肉粉絲、金香貴刁河粉、韮菜煎餃、什菜條、
還有好好味的巧克力喔，呀 ... 還有買了蝦片給媽媽吃，收穫是不是很豐富呢...!?
哈哈．．．我都覺得很棒呀，不過就拿到我的手有點麻
買完零食之後打電話給老公豬看看他去到哪裡
掛線後等了不久便看到他正在遠處行緊過來
最後我們便一起回家吃飯了，在途中還遇到老虎，真是很巧合呢。

係打日記之前見到隻小水滴大隻左，好得意呀 (*@﹏@*)
所以幫佢影左相相記念一下，今朝 9 點幾比阿媽打電話返黎嘈醒
之後就冇再訓返，入左幾首新鈴聲落手提度
10 點幾整頭同換衫準備出街，搭 11:15 am出去
出到荃灣攪掂晒我要做既野後就行街街喇，今日又買左好多野呀= =+
見肚仔餓去左麥記食麥樂雞餐，仲買左隻白色 Hello Kitty 比阿媽
食飽左就繼續行街睇野，點知行行下腳抽筋囉 ...
真陰公 ( >﹏< ) 終於行到成 5 點先開始搭車返屋企。
◎最頑皮時期／完全體（やんちゃざかり）- 300-549 度
腰振り（搖動腰部）、寝る３（睡姿３）、飛ぶ１（飛１）、飛ぶ２（飛２）、遠くへ（跑至最遠，會 PK） 
♥這個階段開始可以→搔癢← 
三隻水滴分別有其獨特技能：
藍 mero．．．芽が出る（頭頂出芽）、泡が出る（噴泡）
紅 mero．．．花が出る（耳朵噴花）、水が出る（耳朵噴水）
白 mero．．．ドロン（忍術 [消失]）、たべる（食：拋高然後吃掉一枚草莓／蘑菇）
但係下次再成長既時候就有排了 ---> ＞
◎青春期（思春期）- 550-999 度
重大改變〔變色〕
注意：三種水滴均有可能變回原色（= 不變色）
白 mero．．．手腳：粉紅／黃／藍，黑
 　　　　　　 全身：黑
紅 mero．．．頭：桃紅／粉紅／橙，紅（黑色肚）
 　　　　　　 頭 + 手腳：黑（白臉／紫臉）
藍 mero．．．頭：黃／綠／紫，藍（黑色肚）
 　　　　　　 頭 + 手腳：黑（白臉／紫臉）
〔技能〕遠くへ（遠方）變種 - 走去遠處，偶爾會向你揮揮手 say goodbye 
白 mero．．．１）鳥が橡樹果實を投下（投下三枚橡果，吃到中間那枚）
               ．．．２）忍術 - 變泡消失，原地掉下一枚橡果，水滴掉回地上
唔知到左下次佢會變成咩樣呢？？我就好想佢變到成隻都係 '黑蚊蚊 ' 喇
因為我見過全隻都係黑色既水滴好靚，不過水滴均有可能變回原色（即係不變色）
希望我果隻唔會係咁啦，之後既成長就係 ---> ＞
◎成人期（おとな）- 1000-1199 度（這是未有第二代前的舊階段，現在已被歸入「獨立」期）
♥由出生至成人約需 4 個半月
重大改變〔變形〕
水滴的頭型、耳朵會改變，或者會有植物長在頭上，有多種不同的款式
〔技能〕
藍 mero．．．避開鳥が糞を投下（但最後踩屎收場）
紅 mero．．．從地下冒出水柱
白 mero．．．１）鳥が橡樹果實を投下之變種
           　．．．２）忍術 - 橡果掉到比原地較遠／近的地方
           　．．．３）食 - 耍雜技拋草莓／蘑菇，吃下
我見果 d 頭頂1條毛 / 3條毛 ... 有 d 就生花，好鬼過癮架，呵呵～～* 到左最後水滴就會 ---> ＞
◎獨立（ひとりだち）- 1200 度以上
不會再學習新技能或進化，只會食字
也可選擇「領養」第二代水滴。